Япония Россия Федерациясига қарши санкцияларини «Россия Украинадаги тангликни тинчлик йўли билан ҳал қилишга қаратилган чора-тадбирларни қўллаган тақдирда» қайта кўриб чиқиши ёки бекор қилиши мумкин.
Бу ҳақда Япония ташқи ишлар вазири Фумио Кисида баёнотига таяниб, ИТАР-ТАСС маълум қилди.
Япония вазири янги санкциялар қабул қилинишини «Россия Украинадаги вазиятни беқарорлаштириш бўйича хатти-ҳаракатларини тўхтатганлиги ҳақида далиллар» йўқлиги билан изоҳлади.
24 сентябрь, чоршанба куни Япония ҳукумати Россияга қарши санкцияларнинг янги тўпламини жорий қилди. У Россиянинг бешта банкига киритилган қимматли қоғозлар билан бўладиган операцияларга ҳамда Россияга қурол-яроғ ва тегишли технологиялар экспортига чекловларни ўз ичига олади.
Изоҳ (0)