Ўзбекистонда ҳар 100 кишидандан 66 нафари мобил алоқа абоненти ҳисобланади. Бу ҳақда Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси маълумотига таяниб UzDaily хабар бермоқда.

Қўмита маълумотларига кўра, стационар телефон алоқасидан фойдаланиш бўйича Ўзбекистонда ҳар 100 кишига 7 бирлик тўғри келади. Интернетдан фойдаланувчи абонентлар бўйича эса ҳар 100 кишига 36,52 бирлик тўғри келади.

Шунингдек, .УЗ ҳудудидаги домен номлари сони 18 419, давлат ахборот тизимлари ва ресурслари сони − 433, электрон рақамли имзо калитлари сони −696 582, Ягона интерактив давлат хизматлари портали орқали э-хизматлар сони − 220, статистика ҳисоботларини электрон шаклда топширувчи субъектлар улуши − 93%, солиқ ҳисоботларини электрон шаклда топширувчи тадбиркорлик субъектлар улуши − 98% ва божхона юк декларацияларини электрон шаклда топшириш 98 фоизга етгани маълум қилинди.