12 август тонгда Тошкент шаҳрида жойлашган «Чинни бозор»да ёнғин содир бўлди. Facebook’даги «Водители Ташкента» гуруҳи аъзолари ёзишича, бозорнинг чап ярмидаги 2-қатордан 11-қаторгача бўлган дўконларнинг барчаси ёниб кетган.
Маълум бўлишича, фалокат 4 дан кейин рўй берган. «Бозор тонгги 3 ларда ишлаётган эди. Ёнғин туфайли 4 дан кейин йўллар ёпилди», — деди гуруҳ аъзоларидан бири.
Ўша бозорда дўкони борлигини таъкидлаган фойдаланувчи ёнғиннинг электр симларидаги носозлик туфайли келиб чиққанини қайд этган. «Икки кун аввал кичик ёнғин юз берган эди, демак камчиликни охиригача тузатишмаган», — деб ёзади у.
Постга билдирилган фикрларда ёнғин туфайли касодга учраган дўкондорларга ҳамдардлик билдиришган. Баъзи фойдаланувчилар эса қурбонлар йўқлигига шукур қилиш кераклигини, бозорлар яна қурилаверишини таъкидлаган.
Ёнғин ҳақида ҳеч қаерда расмий хабар берилганича йўқ.
Қўшимча (12 август, соат 11:11). Twitter фойдаланувчиларининг таъкидлашича, ёнғин тонг соат 4 да эмас, балки 12 август соат 00:50 атрофида бошланган.
Ёнғин ҳақида расмий маълумот тарқатилиши билан алоҳида хабар берамиз.Айтишларича, Чинни бозорда яхшигина ёнғин чиқибди.
— Xushnud Xudoyberdiyev (@xushnudbeck) August 11, 2014
Ўзинг ўт балосидан, сув балосидан, туҳмат балосидан асра.
Ҳеч кимга зиён етмаган бўсин.
Ёнғин оқибатлари
Изоҳ (0)