Яқиндагина Beeline алоқа оператори ойлик интернет пакетларининг нархи ва ҳажмига ўзгартириш киритган эди. Mobinfo.uz сайти эса уларни Ucell алоқа операторининг интернет пакетлари билан таққослади.
Иккала компанияда ҳам интернет пакетлари ҳажми ва нархи турли хил. Ucell’да энг арзон интернет пакет ҳажми 50 мегабайт ва уни 1,25 долларга сотиб олиш мумкин. Beeline’да эса энг кичик – 35 мегабайтли интернет пакети 1,2 доллар туради.
Катта ҳажмдаги интернет пакетларида фарқ яхшироқ сезилади. Ucell’дан 4000 мегабайтни 25 доллар эвазига сотиб олиш мумкин. Beeline’нинг энг катта ҳажмдаги интернет пакетида 3700 мегабайт бор ва унинг нархи 27 доллар.
Ҳисоб-китобларга кўра, 1 мегабайтнинг ўртача нархи Beeline'да 1,7 сентни, Ucell'да эса 1,2 сентни ташкил қилади.
Изоҳ (0)