Украина ва Россия ғалаёнчилар қўлга киритган шаҳардаги талофатли ҳаво ҳужумида бир-бирини айбламоқда

Шарқий Украинадаги ғалаёнчилар қўлга киритган шаҳарда содир бўлган ҳаво ҳужумида Киев ҳамда Москва бир-бирини айбламоқда. Бу ҳақда Euronews хабар беради.

15 июль, сешанба куни Донецк вилоятининг Снежное шаҳрида содир бўлган ҳаво ҳужуми натижасида бир нечта уй вайрон бўлиб, 11 нафар киши ҳалок бўлган.

Украинанинг айтишича, ҳаво ҳужумида Россиянинг қўли бор. Аммо айирмачиларнинг сўзларига кўра, ҳужум Украина ҳарбий кучлари томонидан уюштирилган.

Нима бўлганда ҳам маҳаллий аҳоли жабрланган:

«Мен тезда қочишга шайландим ва уйни яқинда харид қилган ёш оилага кўзим тушди. Унинг эри: ‘Менинг болам шу ерда эди!’ деб бақирди. Ҳаммаёқ тутун эди. Тутун йўқолгандан сўнг, турмуш ўртоғим харобанинг ичида ички кийимнинг ўзида қолганини кўрдим», — деди портлатилган уйнинг бекаси.

Россия ушбу можарода иштирок этмаётганлигини уч ойдан бери инкор этишига қарамай, Европа иттифоқи раҳбарлари расмий Москвани аҳволни янада ёмонлашишида айблаб, чоршанба куни Брюсселда бўлиб ўтадиган йиғинда унга нисбатан санкцияларни кучайтириши кутилмоқда.