2014 йилнинг 5 июлида Тюмен темир йўл бекатида Россия Ички ишлар вазирлиги Тюмен бўлими ходимлари томонидан Ўзбекистон фуқароси қўлга олинди. 29 ёшли йигитга пора олиш ва жиноят ҳақида хабар бермаслик ёки уни яширишда айбланиб, халқаро қидирув эълон қилинган. Бу ҳақда Урал транспорт прокуратураси расмий сайти хабар бермоқда.
Айбланувчи Наманган вилоятидаги туманлардан бирида ички ишлар бўлими милиция взводи қўмондони лавозимида ишлаган. 2010 йил декабрида катта миқдордаги ғўза уруғи ўғрилигини 150 минг сўм қийматидаги моддий рағбат эвазига яширган, шундан сўнг Россия ҳудудига қочиб кетган.
Россия жиноят қонунчилигига кўра, айбланувчи 7 йилгача озодликдан маҳрум қилиниши мумкин. Унга тегишли ҳужжатлар Россия Федерацияси Бош прокуратурасига юборилди.
Изоҳ (0)