Аргентина терма жамоаси ҳужумчиси Лионель Месси Голландия устидан пеналтилар сериясига кўра қозонилган ғалабани ватандоши, марҳум журналист Хорхе Лопесга бағишлади, дея хабар беради Uff.uz.
Хорхе Лопес кеча автоҳалокат натижасида оламдан ўтди. Каталониядаги Спорт нашрида ишлаган Хорхе Мессининг энг яхши кўрган журналистларидан бўлган.
«Мен бутун Аргентинани қучиб қоламан ва бу ғалабани дўстим Хорхе Лопесга бағишламоқчиман», — дейди Месси.
Хорхе Лопес Аргентина — Голландия ўйини бўлган куни Сан-Паулудаги меҳмонхонага таксида қайтаётган чоғида полиция та’қибидан қочиб келаётган машина билан тўқнашиб кетиб, вафот этди.
Изоҳ (0)