Ўзбекистонлик атлетикачилар Осиё чемпионатида қатнашади

12—15 июнь кунлари Хитойнинг Тайпей шаҳрида ўсмирлар ўртасида енгил атлетика бўйича Осиё чемпионати бўлиб ўтади. Бу ҳақда Ўзбекистон енгил атлетика федерацияси матбуот хизмати хабар берди.

9 июнь, душанба куни Ўзбекистон терма жамоаси аъзолари ушбу мусобақада қатнашиш учун сафарга жўнаб кетди. Чемпионатда ўзбекистонлик икки йигит ва тўрт қиз иштирок этади. Узунликка сакраш ва уч ҳатлаб сакраш мусобақасида Оксана Молчанова, Виктория Дирдина ва Тимур Хуснуллин баҳслашади.

Нигина Шарипова 100 ва 200 метрга югуришда ўз маҳоратини намойиш эца, Лилия Манасипова 200 ва 400 метр масофага югуришда совринлар учун курашади.

Ядро улоқтирувчилар секторида ўзбекистонлик Артём Давлетов беллашади.