Beeline Be on line’нинг навбатдаги ғолибларини аниқлади

Beeline алоқа оператори 6 июнь куни соат 20:00 да ФМ 101 «Ўзбегим таронаси» радиосининг жонли эфирида бўлиб ўтган Beeline Club бонусли дастурининг барча иштирокчилари учун Be on line лойиҳаси иккинчи ўйинининг натижаларини сарҳисоб қилди, деб хабар беради компания матбуот хизмати.

Ўйин бошланишига қадар (душанбадан якшанбагача — 2—8 июнь кунлари) ўз балларини бонус пакетига алмаштирган ёки Beeline Club’га аъзо бўлган барча иштирокчиларни ўйин бирлаштирди. ФМ 101 тўлқинидаги жонли эфир натижаларига кўра Samsung Galaxy S3 мини смартфонининг эгаси аниқланди — Сурхондарё вилоятидан Зокир Назаров (ХХ) Х07 47 39.

Шунингдек, жонли эфир чоғида таниқли хонанда Амира Алибекова билан назоратли харид бўлиб ўтди. У «Изуми» ресторанида бўлиб тушликка буюртма берди ва Platinum картасидан фойдаланиб, Beeline Club бонусли дастурининг ҳамкоридан 20% чегирмани қўлга киритди.

Эслатиб ўтамиз, 26 декабрь куни ўйин иштирокчиларидан бири асосий соврин — 14 та Samsung Galaxy Note планшетидан бирининг эгасига айланиши мумкин.