Қашқадарё вилоятидаги 19 стационар болалар оромгоҳида ёзги соғломлаштириш мавсумида 26 минг 240 ўғил-қиз дам олади. Кам таъминланган оилаларнинг 3500 нафар фарзанди, 160 нафар меҳрибонлик уйи тарбияланувчиси ҳамда 100 нафар иқтидорли ўқувчи бепул йўлланма билан таъминланади. Бу ҳақда ЎзА хабар беради.
«Соғлом бола йили» Давлат дастури ижроси доирасида Қорақалпоғистон Республикаси ва Хоразм вилоятидан 500 нафар бола Шаҳрисабз туманидаги «Лочин» болалар соғломлаштириш оромгоҳига жалб қилинади.
Вилоятдаги барча оромгоҳларда ёзги мавсумга пухта тайёргарлик кўрилди. «Қишлоқхўжаликкимё» акциядорлик компаниясига қарашли «Кимёгар», вилоят касаба уюшмалари ташкилотлари бирлашмасига қарашли Улуғбек номидаги, «Геобурғунефтегазсервис» шўба корхонасига қарашли Беруний номидаги, «Таллимаржон IEС» унитар корхонасининг «Соҳибқирон» оромгоҳлари реконструкция қилиниб, замонавий шароитлар яратилди.
Изоҳ (0)