Ўзбекистонда икки йирик меҳмонхона ва «Ёшлик» спорт комплекси таъмирланади
Ўзбекистонда икки йирик меҳмонхона — Бухородаги Bukhara Palace ва Самарқанддаги Afrosiyob Palace меҳмонхоналари таъмирланади ва қайта жиҳозланади. Таъмирлаш ишлари 2015 йил май ойида якунланади. Бу ишлар учун меҳмонхоналар ижарачилари ва «Ўзбектуризм» миллий компанияси жавобгарликни ўз бўйнига олади. Бу ҳақда Anhor.uz маълум қилди.
Бундан ташқари, «Ёшлик» спорт-соғломлаштириш комплекси (собиқ НБУ спорт мажмуаси) ҳам таъмирланади. Реконструкция ишлари 2014 йилнинг иккинчи каварталида якунланиши мўлжалланган. Таъмирлаш ишларининг муддатлари Вазирлар Маҳкамасининг 2014 йил 28 майдаги қарорида қайд этилган.
Ҳужжатда, шунингдек, Ташкент Палаcе Неw масъулияти чекланган жамиятининг янги биноси қурилиши ҳам кўзда тутилган.
Маълумот учун: Bukhara Palace 223 хонага эга бўлган йирик меҳмонхоналардан бири ҳисобланади. Afrosiyob Palace’да эса 278 та номер мавжуд. Сайёҳларнинг TripAdvisor хизматида билдирган фикрларига кўра, иккала меҳмонхона ҳам республика меҳмонлари орасида жуда машҳурдир.
