Июнь ойида Отабек Муҳаммадзоҳид жонли ижрода концерт беради
Хонанда Отабек Муҳаммадзоҳид 15—16 июнь кунлари «Истиқлол» санъат саройида яккахон концерт дастурини тақдим этади.
Таъкидлаш жоиз, Отабек Муҳаммадзоҳид концерт дастурини жонли ижрода ўтказишни режалаштирган. Концерт репертуарида 26 та қўшиқ куйланиши кўзда тутилган бўлиб, унинг 15 тага яқини янги таронадир. Улар орасидан Европа ва Шарқ (турк, озарбайжон, инглиз ва Отабек Муҳаммадзоҳид сўзи ва мусиқаси билан рус тилида) қўшиқлари ҳам жой олган.
Концертда санъат остонасига эндигина қадам қўйиб келаётган ёш истеъдод соҳиби, хонанда шогирдларидан бири Элдорбек Мақсудовнинг ҳам катта саҳнада илк бор жонли ижрода қўшиқ куйлаши мўлжалланмоқда.
Айни вақтда ушбу концертга тайёргарлик кўрилмоқда. Фарғона шаҳрида Отабек Муҳаммадзоҳиднинг 26 кишидан иборат созандалари, шунингдек, барча гуруҳ аъзолари биргаликда меҳнат қилмоқда.
