Ҳақоратли изоҳлар туфайли Рим папаси Facebook’даги саҳифасидан воз кечади

Рим папаси Франсиск Facebook’да саҳифа очмайдиган бўлди. Бунга кардинал (Рим папасидан кейинги энг юқори унвондаги руҳоний)ларнинг хавотири сабаб бўлди. Улар папага кўплаб ҳақоратлар келиб тушишини тахмин қилмоқда. Бу ҳақда The Independent хабар берди.

«Рим папасининг Twitter’идаги ҳақоратли изоҳларни сезмаслик мумкин, бироқ Facebook’да уларни бекитиб бўлмайди», — деди Папа кенгашининг ижтимоий коммуникациялар бўйича раиси архиепископ Клаудио Мария Челли.

У расмий янгиликлар сайти News.va’нинг Facebook’даги саҳифасини «тозалаш»га Ватикан шундоқ ҳам кўп вақт сарфлагани, энди понтификнинг шахсий саҳифасида ҳам бу иш билан шуғулланишдан ма’ни йўқлигини таъкидлади.