Евроиттифоқ чуқур тангликни бошдан кечирмоқда, унинг тараққиётини давом эттириш ва Европа цивилизациясини сақлаб қолишини кафолатлаш учун унинг тузилмасига ўзгартириш киритиш керак. Бу ҳақда Франция собиқ президенти Николя Саркози Le Point журналига берган интервьюсида гапириб ўтди, дея хабар берди «ИТАР-ТАСС».
Саркози фикрича, «ягона француз-герман иқтисодий ҳудуди», шунингдек амалдаги Шенген келишувининг ўрнини босадиган чегара режими ҳақидаги янги битим Европа тузилмасини ислоҳ қилишнинг пойдевори бўлиб хизмат қилиши керак.
«Париж ва Берлин ўз муносабатларида мувозанат ўрнатиши керак, – деди Николя Саркози. – Агар Евроиттифоқнинг иқтисодий жиҳатдан йирик икки давлати иқтисодиёт ва солиқ соҳасида бирлашса, Евроҳудуд бундан фақат фойда кўради, қитъамиз эса барқарорлашади».
Изоҳ (0)