Ўзбекистонлик режиссёр ва сценарийчи Қамара Камолова Чебоксари халқаро кинофестивалида иштирок этади. Anhor.uz’нинг ёзишича, кичик халқлар кинематографига бағишланган ушбу киноанжуманда Камолова ҳакамлар ҳайъати аъзоси ҳисобланади.
Камоловадан ташқари, фестивалда россиялик актриса Инна Чурикова, режиссёр Глеб Панфилов (Россия), киношунос Хонг Сангву (Корея), кинорежиссёр ва сценарийчи Себастян Аларкон Рамон Рамирес (Чили), фестивал президенти Карен Шахназаров, актёр Александр Панкратов-Чёрний ҳам қатнашади.
«Кун»нинг хабар беришича, Чебоксаридаги кинофестивал доирасида томошабинлар эътиборига 12 фильмдан иборат танлов дастури, миллий киностудияларнинг 14 фильмидан иборат танлов дастури ва 40 картинадан иборат танловдан ташқари дастур намойиш этилади. Еттинчи Чебоксари кинофестивали 24 майга қадар давом этади.
Маълумот учун: Қамара Камолова 1938 йили Бухоро шаҳрида туғилган бўлиб, Ўзбекистоннинг энг машҳур режиссёр ва сценарийчиларидан бири ҳисобланади.
Изоҳ (0)