HTC имо-ишораларни англайдиган М8 Prime смартфонини тақдим этади

Жорий йилнинг иккинчи ярмида тақдим этиладиган HTC M8 Prime смартфонининг пресс-фотосуратлари эълон қилинди. Бу ҳақда Mail.ru хабар берди.

Янги смартфон ўзидан аввалги флагман смартфонларига хос дизайн хусусиятларини сақлаб қолди, бироқ янада каттароқ ва ингичкароқ кўриниш олди. Корпусдаги ёрқин деталь – камера атрофидаги тўқ сариқ ҳошия бўлди.

Экран юқорисидан сенсорли йўл ўтган бўлиб, нашрнинг тахмин қилишича, у имо-ишораларни англаш функцияси учун жавоб беради.

HTC M8 Prime корпуси алюминий ва кремний аралашмасидан иборат ноодатий материалдан ишланади. У металл каби қизиб кетмайди, бироқ ўта мустаҳкам ҳисобланади.

Янги смартфон 5,5 дюймли 2560х1440 пикселли дисплей, Qualcomm Snapdragon 805 тўрт ядроли процессор, 3 Гб тезкор, 16 Гб ички хотирага эга бўлади.