Apple маҳсулотлари ашаддий ишқибозларидан бири – Россия бош вазири Дмитрий Медведев ҳақида сўнгги пайтларда турли хабарлар тарқалди. Уларга кўра, бош вазир АҚШ санкциялари туфайли Америка маҳсулотидан воз кечмоқчи.
Mail.ru хабар беришича, Медведев бу гап-сўзларни рад этди. «Америка билан низоларимизнинг iPhone’га қандай дахли бор? – деди у. – Келинг, унда барча импорт маҳсулотлардан воз кечамиз, шунда ким қолади? Шимолий Кореями? Бизда бунақаси кетмайди. Apple маҳсулотларидан воз кечиш орқали америкаликларга зарар етказиш кулгили».
Нашрнинг таъкидлашича, Медведевни Apple’ники бўлмаган қурилмалар билан ҳам кўриш мумкин. Унинг Samsung Galaxy Gear «ақлли» соати, Galaxy S4 смартфони, шунингдек Россияда ишлаб чиқарилган YotaPhone’и ҳам бор, деб ёзади нашр.
Изоҳ (0)