Шимолий Кореяда 23 қаватли турар жой қулаб тушиши натижасида кўплаб кишилар ҳалок бўлди. Шу муносабат билан Жанубий Корея унга таъзия изҳор этди. Бу ҳақда «ИТАР-ТАСС» хабар берди.
«Ушбу ҳодиса натижасида кўплаб қурбонларнинг бўлгани юзасидан таъзия билдирамиз», — дейилади КХДР Қизил Хоч жамиятига юборилган мактубда.
Расмий Сеулнинг таъзияси Шимолий Корея пойтахтидаги ҳалокат ҳақида Пхеньян хабар берганидан икки кун ўтиб, юборилди. КХДР давлат ОАВлари ҳодисани «жиддий ҳалокат» деб атади.
Бундан аввал Жанубий Корея КХДРга 2006 йилда таъзия билдирган эди. Ўшанда Шимолий Кореяда сув тошқини рўй берган, натижада юзлаб одамлар ҳалок бўлган ва бедарак йўқолган эди.
Изоҳ (0)