Сурхондарёлик отахон Маҳмуд Номозовнинг концертига тўлиқ — уч кун келишини маълум қилди
19—21 май кунлари «Истиқлол» санъат саройида бўлиб ўтаётган Ўзбекистон халқ артисти Маҳмуд Номозовнинг концерт дастурида «Дарё» ходимлари ҳам иштирок этди ва концерт суратларини эътиборингизга ҳавола этамиз.
Маҳмуд Номозовнинг таъкидлашича, расмдаги отахон Сурхондарёдан ташриф буюрган бўлиб, у концертда тўлиқ — уч кун меҳмон бўлишини маълум қилган. Тадбирнинг ўтказилган икки кунида ҳам отахон келиб, Маҳмуд Номозовнинг шўх тароналарига рақсга тушган.
Концертни бошловчи ва хонанда Толибжон Исроилов олиб бормоқда. Концерт уч қисмдан иборат бўлиб, ҳар бир қисмда саккизтадан тарона тақдим этилмоқда. Шунингдек, концертда «Ҳандалак» гуруҳи ижодкорлари — Зокир Очилдиев ва Ортиқ Султонов ўзларининг чиқишлари билан иштирок этмоқда.
Концертнинг ҳар бир кунига таниқли инсонлар ташриф буюрди. Масалан, дастлабки кунларда Гулсанам Мамазоитова, Оролмирзо Сафаров, бошловчи Акмал Мирзо, Лола Аҳмедова ва бошқа ижодкорлар ташриф буюрди.
Изоҳ (0)