АҚШ Марказий разведка бошқармаси (МРБ) директори Жон Бреннан чет элдаги разведкачилик фаолиятини ниқоблаш учун тиббий ходимлар иштирокидаги эмлаш кампаниясидан бошқа фойдаланмасликка қарор қилди. Бу ҳақда Оқ уй вакили Кейтлин Хейден баёнотига асосланиб, Interfax хабар берди.
МРБ агентлари Усама бин Ладeн яширинган жойни аниқлаш учун гепатитга қарши эмлаш баҳонасидан фойдаланган эди. Ўтган йилнинг январида 12 та тиббиёт университети деканлари МРБга хат йўллаб, унинг бу хатти-ҳаракатини қоралаган эди.
Нашрнинг эслатишича, МРБнинг ушбу фаолияти муваффақиятсизлик билан тугаган, уларга ёрдам берган покистонлик шифокор хоинликда айбланиб, 23 йилга қамалган. МРБ операцияси фош бўлгач, Покистондаги гуманитар ташкилот аъзолари шубҳа остига тушган, уларнинг баъзилари ўлдирилган.
Изоҳ (0)