Ўзбекистонлик атлетикачилар Таиланддаги лицензион мусобақада қатнашади

Енгил атлетика бўйича Ўзбекистон ўсмирлар терма жамоаси 2014 йилнинг 16—28 август кунлари Нанкин шаҳри (Хитой)да ўтказиладиган IIёзги ўсмирлар Олимпия ўйинларининг йўлланмалари ўйналадиган лицензион мусобақада иштирок этиш учун Таиланднинг Бангкок шаҳрига жўнаб кетди. Бу ҳақда Ўзбекистон Миллий Олимпия қўмитаси матбуот хизмати хабар берди.

21—22 май кунлари бўлиб ўтадиган мусобақада Осиё давлатларининг вакиллари иштирок этади. Унда Ўзбекистон шарафини 13 нафар спортчи ҳимоя қилади.

Қуйида Бангкок шаҳрига йўл олган спортчилар рўйхати берилган:

• Оксана Молчанова – узунликка ва уч хатлаб сакраш;
• Гулрухсора Ҳошимова – босқон улоқтириш;
• Азиз Сейтажиев – баландликка сакраш;
• Шоҳрух Баратов – 110 метр масофага тўсиқлар оша югуриш;
• Жалолиддин Ҳамроқулов – 100 метр масофага югуриш;
• Фарҳод Суюнов – ядро улоқтириш;
• Сардор Тўрабоев – узунликка ва уч хатлаб сакраш;
• Александра Юркевская – баландликка сакраш;
• Ғолиб Тоҳиржонов – 800 метр масофага югуриш;
• Анна Шиманис – 100 метр масофага югуриш;
• Валерия Пак – 200 метр масофага югуриш;
• Виктория Дирдина – узунликка ва уч хатлаб сакраш;
• Камила Якубова – 400 метр масофага тўсиқлар оша югуриш.