Ўзбекистонда автомобиль соҳаси қуввати режали тарзда ошириб борилмоқда. Бу ҳақда «Ўзавтосаноат» маълумотига таяниб, «Жаҳон» АА хабар берди.
Жорий йилнинг биринчи чорагида «Хоразм автомобиль ишлаб чиқариш бирлашмаси» МЧЖ 3200 дан ошиқ Damas ва Chevrolet Orlando машиналарини ишлаб чиқарди. Тўртинчи чоракда корхона Damas автомобиллари ишлаб чиқаришнинг тўлиқ циклига ўтказилади.
Лойиҳа доирасида Damas ишлаб чиқаришни маҳаллийлаштириш бўйича 2014 йилда бешта инвестицион лойиҳани амалга ошириш кўзда тутилган. Булар умумий қиймати 9,2 миллион долларга тенг ўтирғичлар, пластик қисмлар, бамперлар, асбоб-ускуна панеллари ва қолипланган деталлар ишлаб чиқаришдир.
Изоҳ (0)