Ҳиндистонлик режиссёр Рупеш Пол Малайзиянинг йўқолган «Боинг»и ҳақида фильм суратга олиш ишларини 2014 йил кузида бошлашни режалаштирмоқда. Бу ҳақда режиссёр Канн кинофестивали давомида ўз режалари билан ўртоқлашиш вақтида маълум қилди, дея хабар бермоқда The Hollywood Reporter.
Полнинг фикрича, фильм самолёт билан бирга йўқолган одамларнинг қариндошларига салбий таъсир қилмайди, деб ёзади «Кун».
«Биз олмоқчи бўлган фильм – триллер, унга қандайдир аҳмоқона фикрларни асос қилиб олмаймиз. У ерда ҳеч қандай қуролли ҳужум ёки ўзга сайёраликлар ҳақида гап-сўз бўлмайди. Биз ушбу фожиа ортидан пул ишламоқчи эмасмиз», – деди режиссёр.
Malaysia Airlines’нинг Boeing 777 самолёти 8 мартга ўтар кечаси радарлардан йўқолган эди. Бортида 239 нафар киши бўлган самолёт ҳозирги кунга қадар топилгани йўқ, қидирув ишлари эса ҳеч қандай самара бермади.
Изоҳ (0)