«Барселона»нинг 37% ишқибози Спорт.ес порталида ўтказилган сўровнома вақтида клуб ҳужумчи Лионел Мессини сотиши керак, деган фикрни билдирди, деб хабар бермоқда «Кун».
«Барселона» мухлисларининг фикрича, ушбу мавсум бор-йўғи Испания Суперкубогини қўлга киритган жамоанинг жорий мавсумдаги муваффақияцизликларига айнан аргентиналик ҳужумчи айбдор.
Ишқибозлар, бундан ташқари, дарвозабон Хосе Пинто (92% овоз), ҳимоячилар Дани Алвес (81%) ва Хавер Маскерано (53%), ярим ҳимоячи Алекс Сонг (59%) ва ҳужумчи Алексис Санчес (21%) ҳам жамоадан кетиши керак, деган фикрни билдирди.
Месси 2013/2014 йилги мавсумда «Барселона» таркибида 46 та расмий учрашувда майдонга тушиб, 41 та гол уришга муваффақ бўлди. 16 май куни «Барселона» 26 ёшли ҳужумчи билан янги шартнома имзолаганини эълон қилди. Янги битим бўйича Мессининг йиллик маоши 20 миллион еврони ташкил этади.
Изоҳ (0)