Ўзбекистонлик абонентлар телефонига спам SMS-хабар келаётгани ҳақида маълум қилинган эди. Смартфонига шундай SMS келган ва линк орқали кириб, вирус дастурни ўрнатиб олган абонентлар учун юқтирилган вирусни тозалаш қўлланмаси ишлаб чиқилди. Ҳамза Фозилжоновнинг хабар беришича, Beeline ушбу SMS-спам билан зарарланган Android қурилмаларни вирусдан тозалаш йўриқномасини абонентларга маълум қилган.
1. Android қурилмада агар антивирус дастури бўлмаса (баъзи ҳолатларда бундай дастур бўлса ҳам), вирусли файл қурилма хотирасидаги Download (Юклаб олинганлар) жилдига тушади. Хусусан, Samsung смартфонларида ушбу жилд қуйидаги манзилда жойлашган:
МЕНЮ — МОИ ФАЙЛЫ — ВСЕ ФАЙЛЫ — DEVICE STORAGE — DOWNLOAD
2. Ушбу жилддан FOTO_ALBOM.apk деб номланган файлни ўчириб ташлаш лозим.
3. Смартфонга вирус ўрнашганми ёки йўқми текшириш учун НАСТРОЙКИ-ОПЦИИ-ДИСПЕТЧЕР ПРИЛОЖЕНИЙ менюсига кириб, у ердаги ЗАГРУЖЕНО бўлимини текшириб чиқиш керак.
Агар у ерда ҳажми 200 КБ атрофидаги Google Play деб номланган дастур мавжуд бўлса, демак смартфон ушбу вирус билан зарарланган.
Диққат! Google Play Маркет деб номланган ҳамда ҳажми 10,5 МБ атрофида бўлган дастур ҳақиқийдир, у вирус эмас!
4. Юқорида тилга олинган, ҳажми 204 килобайтлик сохта Google Play дастурини ўчириб ташлаш керак.
5. Шу билан смартфон ушбу вирусдан тозаланади ва контактдаги телефон рақамларга абонент номидан SMS-спам бориши тўхтайди.
Изоҳ (0)