18- ва 21 май кунлари Тошкент метрополитенида йўловчилар оқими ўрганилади. Бу ҳақда пойтахт ҳокимияти хабарига таяниб, Gazeta.uz хабар берди.
Текширув давомида метрога тушиб кетаётган барча йўловчиларга махсус ёзувли карточкалар берилади. Метродан чиқиб кетиш чоғида йўловчилар уларни қайтариб топширади.
23- ва 27 апрель кунлари Тошкентда барча турдаги шаҳар жамоат транспортларида (метро, автобус, трамвай ва йўналишли такси) йўловчилар оқими ўрганиб чиқилди.
Жамоат транспортида йўловчилар оқимини бундай ўрганиш ҳар бир йўналишда қанча транспорт воситаларига зарурат мавжудлигини аниқлаш ва шу асосда мавжуд имкониятларни тўғри тақсимлаб, аҳолига сифатли транспорт хизмати кўрсатишга хизмат қилади. Шу сабабли текширув ташкилотчилари йўловчилардан тадбирда фаол иштирок этишларини сўрашади.
Изоҳ (0)