Намангандаги «Баркамол авлод-2014» ўйинларида 50 шифокор ва 70 ошпаз хизматда бўлади

Тез орада Наманганда «Баркамол авлод-2014» ўйинлари бошланади. Тадбирга тайёргарлик ишлари қизғин бормоқда, дея хабар берди «Правда Востока».

Давлат санитар-эпидемиологик маркази вилоят бўлими бошлиғи Гавҳар Нишонованинг айтишича, 17 та тиббий бригадалар тузилган бўлиб, улар «Баркамол авлод» ўйинлари давомида спорт объектлари, меҳмонхона ва ётоқхоналар, кафе ва ошхоналарга бириктирилади.

«Иштирокчилар ва меҳмонлар яшаш жойлари, мусобақа ўтадиган иншоотлар, овқатланиш объектларида зарурий тайёргарлик тадбирлари ўтказилди, — деди у. — Бундан ташқари, тиббий ускуна ва препаратлар билан таъминланган тиббиёт пунктлари яратилмоқда. Элликдан ортиқ шифокорлар спортчиларга хизмат кўрсатади».

Нашрнинг қўшимча қилишича, овқатланиш хизмати штаби ташкил қилинган, унга Наманганнинг 70 дан зиёд энг яхши ошпазлари жалб қилинади.