Таълим ва маданият бўйича Европа Комиссарияси Директоратининг олий таълим ва халқаро ишлар бўйича директори Жорди Курелл Марказий Осиё мамлакатлари учун Erasmus+ минтақавий Ахборот кунида иштирок этиш учун Тошкентга ташриф буюрди. Бу ҳақда Ўзбекистонда ЕИ ташкилоти Facebook’даги саҳифасида хабар қилди.
Erasmus+ — бу таълим, амалий ўқиш, ёшлар ва спорт масалалари бўйича 2014—2020 йиллар учун Европа Иттифоқининг янги дастури. Дастур бутун дунё бўйлаб, жумладан Ўзбекистон Республикасидан талабалар, олимлар, ўқитувчилар ва университет ходимларига тадқиқот ва таълим олиш учун ЕИ мамлакатларига ташриф буюриш имконини беради.
Gazeta.uz ёзишича дастур доирасида 4 миллион киши ва 125 та ОТМни ўқитиш учун мўлжалланган умумий бюджет 14,7 миллиард еврони ташкил этади, бу ўтган сафардаги молиялаштириш ҳажмидан 40 фоизга кўп демакдир.
Изоҳ (0)