Латвиянинг Вантспилс порт шаҳри мэри Айварс Лембергс НАТО бош котиби Андерс Фог Расмуссенга хат юбориб, уни альянс давлатлари денгизчиларининг номуносиб хатти-ҳаракатлари учун кечирим сўрашга даъват этди. Бу ҳақда «ИТАР-ТАСС» хабар берди.

НАТО ҳарбий хизматчилари у ерга 9—22 май кунлари Болтиқ денгизида бўлиб ўтадиган мина-трал кучлари халқаро машғулотларида қатнашиш учун борган.

Маълум бўлишича, альянс мамлакатлари денгизчилари Вентспилс аҳолиси билан жанжаллашиб, турли жароҳатлар олган, мурожаат шундан сўнг юборилган.

«Денгизчиларнинг хатти-ҳаракатлари ва Вентспилс портида турган кемаларнинг ҳарбий техника билан қуролланганини ҳисобга олган ҳолда, уларнинг шаҳар аҳолиси учун қай даражада хавфли эканини башорат қилиб бўлмайди, — деб ёзади мер. — Айниқса, мастлик пайтида улар ўзларини назорат қила олмаслигига амин бўлдик».

Аввалроқ Лембергс НАТО денгизчилари спиртли ичимлик ичиб олиб, жамоат жойларини расво қилгани, бу билан Латвия қонунларини писанд қилмаётгани ҳақида ҳам айтиб ўтган эди.