16 ёшли Бразилиялик ўсмир — Марсель Фернандес SMS-хабар ёзиш бўйича жаҳон рекордини ўрнатди. 15 май, пайшанба куни унинг тезлиги Гиннеснинг Рекордлар китобига киритилди. Бу ҳақда маҳаллий ОАВларга таяниб, «ИТАР-ТАСС» хабар берди.
Ўтган ой Нью-Йоркда бўлиб ўтган мусобақа иштирокчилари телефонда қуйидаги жумлани инглиз тилида теришлари керак эди: «Serrasalmus ва Pygocentrus туридаги ўткир тишли пираньялар дунёда чучук сувда яшовчи энг тажовузкор балиқлардир. Бироқ ҳақиқатда уларда одамларга камдан-кам ташланади» («The razor-toothed piranhas of the genera Serrasalmus and Pygocentrus are the most ferocious freshwater fish in the world. In reality they seldom attack a human»).
Фернандес вазифани 18,19 сония ичида бажаришга улгурди. Бундан аввалги рекорд 18,44 сония эди.
Ўсмирнинг айтишича, 2009 йилда стол компьютери бузилиб қолганидан кейин, узоқ вақт давомида фақат смартфондан фойдаланишга мажбур бўлган. Натижада хабар ёзиш қобилияти аъло даражада ривожланган. Бразилия коллежида физикани ўрганаётган Фернандес SMS ёзишувга муккасидан кетмаганини таъкидлади.
Изоҳ (0)