Буюк Британияда энг оммабоп бўлган News of the World газетаси собиқ муҳаррири Клайв Гудмен судда шаҳзодалар Уильям ва Гарри, шунингдек Уильямнинг хотини (ўша пайтда улар ҳали турмуш қурмаган) Кейт Миддлтон телефон суҳбатларини яширинча тинглаганини тан олди. Бу ҳақда «ИТАР-ТАСС» хабар берди.
Суд нашрнинг собиқ ходимлари устидан бўлиб ўтган. Улар таниқли кишиларнинг мобил телефонларидаги овозли почта хабарларини тинглаганликда ва махфий маълумотларни олиш учун давлат хизматчиларига пора берганликда айбланмоқда.
Гудменнинг айтишича, энг кўп — 155 марта Уильямнинг Кейтга қўнғироғи тингланган. Шаҳзода Уильямнинг телефонидан 35 марта, Гарриникидан эса 9 марта хабарлар кузатилган. У бу иш билан 2005—2006 йилларда шуғулланганини айтган.
Изоҳ (0)