АҚШнинг Калифорния штати Бейкерсфилд шаҳрида мушук тўрт ёшли болани итнинг ҳужумидан сақлаб қолди. Ушбу ҳодиса хавфсизлик тизими видеокамералари орқали ёзиб олинган, дея хабар берди 23ABC.
Ёзувдан маълум бўлишича, болакай ҳовлида велосипед учаётган вақтида қўшни уйдан лабрадор зотли ит писиб келган ва уни тишлаб судраб кетмоқчи бўлган. Бироқ кадрда тўсатдан Тара лақабли мушук пайдо бўлиб, итга ташланган. Довдираб қолган ит боланинг оёғини қўйиб юбориб, қочиб қолган. Мушук бироз вақт итнинг кетидан қараб турган, сўнг боланинг ёнига қайтган.
Боланинг онаси ҳам ҳовлида бўлган ва бирдан унинг ёнига шошилган. Она бироз вақт уй атрофида изғиб юрган итни қувишга ҳаракат қилган, жонивор уни ҳам тишлаб олган.
Болакайни шифохонага келтиришди, унинг жароҳатига ўнта чок тушди. Саккиз ойлик лабрадорнинг эгалари эса итни тинчлантиришга ваъда беришди.
Изоҳ (0)