«Агробанк» очиқ акциядорлик тижорат банкидан 2014 йилнинг ўтган даврида иқтисодиётнинг турли йўналишларидаги тадбирларни молиялаштиришга 647 миллиард сўм, банкнинг ўз маблағлари ҳисобидан 301 миллиард сўмлик кредитлар ажратилди. Бу ҳақда ЎзА хабар берди.
«Соғлом бола йили» Давлат дастури доирасида «Агробанк»дан кичик бизнес ва хусусий тадбиркорлик субъектларини қўллаб-қувватлашга қаратилган лойиҳалар учун 750 миллиард сўм миқдорида кредит ажратилиши режалаштирилган бўлиб, ҳозирга қадар 170 миллиард сўм сармоялар мижозларга етказиб берилди. Шундан 53,8 миллиард сўми микрокредитлардир. Бундан ташқари, тадбиркор аёлларнинг бизнес-лойиҳаларини молиялаштиришга 16,3, ҳунармандликни кенгайтиришга 2,9, аҳолига уй-рўзғор буюмлари харид қилиш учун 11,4 миллиард сўм миқдорида истеъмол кредитлари ажратилди.
Жорий йилнинг ўтган даврида тадбиркорлик орқали ички бозорни таъминлайдиган ишлаб чиқариш объектларини қўллаб-қувватлаш, уларнинг экспорт салоҳиятини ошириш ҳамда аҳоли турмуш фаровонлигини яхшилаш мақсадида 151 миллиард сўмлик сармоя ажратилди.
Изоҳ (0)