Туркия ғарбида жойлашган Маниса провинциясидаги кўмир конида содир бўлган ҳалокат натижасида 17 киши ҳаётдан кўз юмди. Бу ҳақда Euronews хабар берди.
30 киши қутқарилган, 11 нафар кончи жароҳат олиб, шифохонага жўнатилган. Маҳаллий ОАВлар хабарига кўра, портлаш чоғида ер остида 580 киши бўлган, уларнинг кўпчилиги мустақил равишда ер юзасига чиқиб олган бўлса-да, турли манбаларга кўра, яна 200—300 киши харобалар остида қолган.
Ҳалокат Истанбулдан 250 километр жанубда жойлашган Сома аҳоли пунктида икки километр чуқурликда рўй берди. Дастлабки маълумотларга кўра, кон қулашига қисқа туташув сабаб бўлган. Натижада ёнғин чиқиб, трансформатор станцияси портлаб кетган.
Конга кислород юборилмоқда, бироқ қутқарувчиларга қуюқ тутун ҳалал бермоқда.
Изоҳ (0)