Марғилон шаҳридаги немис тилини чуқурлаштириб ўқитишга ихтисослаштирилган 6-умумтаълим мактабининг саккиз нафар ўқитувчиси Германияда малака ошириб қайтди. Улар билан бирга борган мактабнинг 13 нафар иқтидорли ўқувчиси германиялик тенгдошлари билан яқиндан танишиш ҳамда юзма-юз мулоқот қилиш имкониятига эга бўлди. Бу ҳақда «Халқ сўзи» хабар берди.

Хабарда таъкидланишича, кейинги йилларда ушбу ўқув масканининг Германиядаги таълим муассасалари билан ҳамкорлик алоқалари кўлами кенгаймоқда. Хусусан, мазкур мамлакатнинг Ўзбекистондаги элчихонаси томонидан энг замонавий аудио ва видеоқурилмалар, компьютер жамланмалари ҳамда немис тилидаги ўқув қўлланмалари туҳфа этилгани мактабнинг моддий-техник базасини янада мустаҳкамлашга хизмат қилди.