Beeline’нинг 2014 йил I чорагида тармоқ кенгайишига қилган сармояси 21 млн АҚШ долларини ташкил этди. Шу билан бирга март ойининг сўнгида алоқа оператори абонентлари сони 10 422 000 кишига етди, деб хабар бермоқда Beeline матбуот хизмати.
2014 йилнинг 14 март куни етакчи халқаро телекоммуникацион провайдерлардан бири VimpelCom Ltd (Beeline савдо белгиси) I чорак бўйича молиявий ва операцион натижаларини эълон қилди.
Ўзбекистонда EBITDA кўрсаткичи (асосий воситаларнинг ишдан чиқиши, активларнинг қадрсизланиши билан боғлиқ бўлган номоддий активлар ва зарарларнинг амортизациясини ҳисоблашгача бўлган операцион фойда) йил давомида уч фоизга ўсди. Шу билан бирга операцияларнинг маржиналлиги 64,4 фоизгача 0,8 фоизли пунктга пасайди.
Йил давомида абонентлик шартномаларининг ўсиш кўрсаткичи қарийб 120 000 ни ташкил қилди (+1%). Бир ойда битта абонентга бўлган ўртача ҳисоб (ARPU кўрсаткичи) 5 доллар даражасида сақланиб қолди. MOU (бир ойда битта абонент томонидан фойдаланилган дақиқалар) кўрсаткичи бир йил аввалги — 425 дақиқага нисбатан 465 дақиқага кўпайди.
Beeline’нинг биринчи чоракдаги бирлаштирилган даромади 5 миллиард АҚШ долларини ташкил қилди. EBITDA кўрсаткичи 2,1 миллиард АҚШ доллари даржасида белгиланди, EBITDA бирлаштирилган маржаси эса 41,6 фоиздан иборат бўлди.