13 май куни АҚШдаги Атланта шаҳрида жойлашган Therrell High School мактаби яқинида номаълум киши ўт очди. Натижада беш ўқувчи жароҳат олди. Бу ҳақда Reuters хабар берди.
Жароҳатлар ҳаёт учун хавфли эмас, дейилади хабарда. Отишма мактаб ҳудудида рўй бермаган бўлса-да, ўқув муассасаси эҳтиёткорлик юзасидан вақтинчалик ёпиб қўйилди.
Жабрланганларнинг барчаси шифохонага етказилган, уларнинг аҳволи барқарор дея баҳоланмоқда.
Отишма содир этган шахс қўлга олинган-олинмагани, жиноятнинг нима сабабдан содир этилгани номаълум.
Изоҳ (0)