Антивирус мутахассислари россиялик Android-смартфон фойдаланувчиларига мўлжалланган янги зараркунанда дастурни аниқлашди. Бу ҳақда ESET халқаро антивирус компанияси тарқатган хабарга асосланиб, «ITАР-ТАСС» маълум қилди.
Маълум бўлишича, вирус юқтирган қурилма ўзининг «Контактлар» рўйхатидаги барча фойдаланувчиларга рус тилида SMS-хабар юборади. SMS «Бу сенинг расмларингми?» матни ва зараркунанда файлга линкдан иборат бўлади.
Зарарли дастур телефон эгасига хабар бермасдан уни пулли хизматларга улайди, унинг шахсий маълумотларини жўнатади, телефон қўнғироқларини блоклайди.
Мутахассислар фойдаланувчиларга манбаси номаълум бўлган дастурларни ўрнатмасликни, ёвуз ниятли кишиларнинг бундай ҳийлаларидан эҳтиёт бўлишни тавсия қилмоқда.
Изоҳ (0)