Корея Республикаси ҳукумати чўкиб кетган «Сэволь» паромидан жабрланганларни қидириш ва қутқаришда иштирок этган балиқчиларга молиявий ёрдам беради. Бу ҳақда мамлакат бош вазири котибияти маълумотига таяниб, «ИТАР-ТАСС» хабар берди.
Ҳукумат ҳалок бўлганларнинг мурдаларини қидириш учун катта миқдордаги балиқ тутувчи елканли кемаларни жалб этди, бундан ташқари, чўкиб кетган кемадан ёқилғи сизиб чиқиб, яқин орадаги денгиз маҳсулотлари етиштириш билан шуғулланувчи фермаларга зарар етказди.
Балиқчилар ва фермерларга бериладиган пул ёрдамининг миқдори аниқ эмас.
«Сеэоль» пароми 16 апрель куни Жанубий Корея қирғоқлари яқинида ҳалокатга учраган эди. Кема бортида 476 нафар йўловчи бўлган. Бор-йўғи 172 киши қутқарилган. 275 нафар йўловчи ва экипаж аъзоларининг жасадлари топилган, яна 29 киши ҳозирча бедарак йўқолган деб эълон қилинди.
Изоҳ (0)