Корея ОАВлари хабарига кўра, Samsung ўз флагман смартфонлари сотуви бўйича рекорд ўрнатди: компания атиги 25 кун ичида 10 миллион дона Galaxy S5 сотишга муваффақ бўлди. Бу ҳақда mail.ru хабар берди.
Ундан аввалги флагман — Samsung Galaxy S4 10 миллионлик маррага 27 кунда етган эди. Бундай натижага эришиш учун Galaxy S3’га 50 кун, Galaxy S2’га тахминан 5 ой, биринчи Galaxy S’га эса 7 ой керак бўлган.
Эслатиб ўтамиз, Galaxy S5 5,1 дюймли Super AMOLED дисплейи (1920×1080), Qualcomm Snapdragon 801 тўрт ядроли процессор, 2 Гб тезкор ва 16/32 Гб ички хотира билан таъминланган. Камераси 16 мегапикселлидир. Соатига 2800 миллиамперли аккумулятор смартфонни суҳбат режимида 21 соатгача қувват билан таъминлаб туради.
Янги Samsung Galaxy S5 мукаммалашган камера, маълумотларни юқори тезликда етказиш имконияти, кенг қамровли фитнес-дастурлар танлови ва ишончли ҳимояга эга. Унинг аввалги Galaxy’лардан фарқи 16 мегапикселли камера, S Health 3.0 хизмати (қадамўлчагич, парҳез, жисмоний машқларни қайд этиш ва энг янгиси — пульс датчиги), IP67 стандартлари бўйича ҳимоя воситаси (чанг, намлик, қум ва ҳатто, сувдан ҳам ҳимояланган), бармоқ излари биометрик сканери ва замонавий ташқи кўринишга эга эканлигидадир.
Изоҳ (0)