Бразилиядаги жаҳон чемпионатида қатнашадиган миллий терма таркибига киритилмаган англиялик ҳимоячи Эшли Коул миллий жамоадаги карьерасини тугатишга қарор қилди. Бу ҳақда футболчи ўзининг Twitter’даги саҳифасида маълум қилди.
33 ёшли Коул терма таркибида 107 та мусобақада иштирок этди, бироқ мураббий Рой Хожсон таркибни ёшартиришга қарор қилган ва ЖЧ-2014’га борадиган 23 нафар номзодни расман эълон қилишдан аввал футболчига қўнғироқ қилиб, унинг Бразилияга бормаслигини хабар қилган. Унинг ўрнига жаҳон биринчилигига «Саутгемптон»дан 18 ёшли Люк Шоу жўнайди.
I got the call from Roy and agree England team should be about the young players. I think it best I retire from England team now. 😢😢
— Ashley Cole (@TheRealAC3) May 11, 2014
We have a great manager and team and I wish them only success. I will be supporting them like a true fan. Thanks to everyone for everything
— Ashley Cole (@TheRealAC3) May 11, 2014
Like me or not, trust me it's hurt me to stop playing for my country #proud and #honoured 🇬🇧
— Ashley Cole (@TheRealAC3) May 11, 2014
«Рой менга қўнғироқ қилиб, ўз қарорини маълум қилди. Мен термамизни ёшартириш вақти келгани ҳақидаги фикрга қўшиламан, — деди ўйинчи. — Яхшиси, мен термадан ҳозир кетаман. Бизнинг жамоа ҳам, мураббий ҳам жуда яхши, уларга омад тилайман. Энди мен улар ҳақида мухлис сифатида қайғураман. Ишонинг, бундай қарорни қабул қилиш менга осон бўлмади».
Эшли Коул Англия термаси таркибида 2001 йилдан буён ўйнаб келган.
Изоҳ (0)