Алишер Усмонов Буюк Британиянинг энг бадавлат фуқароси унвонидан айрилди. Sunday Times нашрининг янги рейтингида у иккинчи ўринга тушиб қолди. Биринчи ўринни ҳиндистонлик ака-укалар — Сри ва Гопи Хиндужалар эгаллади. Уларнинг бойлиги 20 миллиард долларга баҳоланмоқда.
Ўтган йили ушбу рўйхатни Усмонов бошқарган, ака-ука Хиндужалар учинчи поғонада жойлашган эди. Бу йил учинчи ўринни яна бир ҳинд — металлургия магнати Лакшми Миттал банд этди.
Юқори йигирматаликда Алишер Усмонов билан бирга россиялик Роман Абрамович (8,52 миллиард доллар билан 9-ўринда) ва Герман Хан (6,08 миллиард доллар билан 15-ўринда) ҳам бор.