Ўзбекистон Бадиий академияси Марказий кўргазмалар залида 9 май – Хотира ва қадрлаш кунига бағишлаб бадиий кўргазма ташкил этилди. Бу ҳақда ЎзА хабар берди.
Кўргазмадан ўрин олган барча асарлар фаровон турмуш манзараларини ўзида мужассам этган. Ёши, миллатидан қатъи назар, барча мусаввирларнинг картиналарида тинч, тўкин ва фаровон ҳаёт акс эттирилган.
– Мамлакатимизда 9 май – Хотира ва қадрлаш куни кенг нишонланаётган шу кунларда ҳар бир юртдошимиз Ватан тақдири, унинг келажаги йўлида доимо огоҳ бўлиб яшаш муқаддас бурч эканини дилдан ҳис этмоқда, – дейди Ўзбекистон халқ рассоми Алишер Мирзаев. – Кўргазмадан ўрин олган асарлар инсон азиз, хотираси муқаддас эканини ёдда сақлашга ундайди.
Изоҳ (0)