Тошкентда қурилаётган «Минор» масжидининг янги суратлари тақдим этилди

Тошкентнинг «Минор» қабристони яқинида янги масжид қурилиш ишлари олиб борилмоқда. Масжид 2400 ўринга мўлжалланган бўлади. Anhor.uz нашри ушбу масжид лойиҳасининг янги суратларини эълон қилди.

Эслатиб ўтамиз, «Минор» масжиди қурилиши ҳақидаги қарор 2013 йилнинг июль ойида имзоланган эди. Унга кўра, қурилиш ишлари 2014 йил 1 ноябригача тугалланиши лозим. Янги масжид давлат бюджети ва Ўзбекистон мусулмонлари идораси маблағлари ҳисобидан қурилмоқда.