Ўзбекистон Республикаси аэропортларидан учиб кетадиган йўловчиларнинг қўл юки таркибида барча турдаги суюқликлар, аэрозоллар ва гелларни олиб кетишнинг ман этилиши тўғрисидаги буйруқ бекор қилинди. Бу ҳақда «Ўзбекистон ҳаво йўллари» Миллий авиакомпаниясининг сайтида маълум қилинган.
«2014 йилнинг 1 майидан ‘Ҳаво кемаси саҳнига йўловчилар томонидан қўл юки билан ва божсиз савдо маҳсулотлари таркибида олиб кириладиган суюқликлар, геллар ва аэрозолларнинг авиацион хавфсизлигини назорат қилиш тартиби ҳақида муваққат йўриқнома’га ўзгартириш киритилди», — дейилади авиакомпания хабарида.
Ўзбекистон Республикаси аэропортларидан учиб кетадиган йўловчиларга қуйидаги шартларга амал қилган ҳолда қўл юки таркибида ва ёнида барча турдаги суюқликлар, аэрозоллар ва гелларни олиб кетишга рухсат берилади:
- барча суюқликларни сиғими 100 миллилитрдан зиёд бўлмаган идишларда олиб кетиш лозим;
- сиғими 100 миллилитрдан кўп бўлган контейнерларга жойлаштирилган суюқликлар (идиш қисман тўлдирилган бўлса ҳам) ташиш учун қабул қилинмайди;
- идишлар шаффоф, зич ёпиладиган, ҳажми бир литрдан ортиқ бўлмаган пластик пакетларга бемалол жойлаштириладиган бўлиши керак;
- пластик пакет авиация хавфсизлиги назорати пунктида махсус техник воситалардан фойдаланган ҳолда кўздан кечириш учун тақдим этилиши керак.
Изоҳ (0)