Вьетнам Хитойдан Жануби-Хитой денгизида нефт қазиб олиш мақсадида олиб борилаётган бурғулаш ишларини тўхтатишни талаб қилди. Мутахассисларнинг фикрига кўра, Хитойнинг бундай ишлари давлатлар ўртасида низо келтириб чиқариши мумкин. Ушбу давлатлардан бири АҚШ бўлиши мумкинлиги тахмин қилинмоқда. Бу ҳақда Fox News хабарига таяниб «РИА Новости» маълумот бермоқда.
Гап шундаки, ўтган ҳафтада АҚШ президенти Филиппин билан янги ҳарбий битим имзолади. Битимда Пекин билан низо келиб чиқадиган бўлса, осиёлик иттифоқдошлар АҚШ томонидан қўллаб-қувватланиши белгилаб қўйилди.
Хитойнинг «Синьхуа» ахборот агентлиги эса Вашингтон ва Манила ўртасидаги ушбу битимни «хавотирни юзага келтирувчи, Манилага Пекин билан дадилроқ муносабатда бўлиш имконини берувчи» битим, — дея баҳолаган эди. Хитой ҳарбий битимнинг имзоланиши Акино маъмуриятига АҚШ ёрдамида Хитой билан зиддиятга киришиш учун кераклигини таъкидламоқда.
АҚШ ташқи сиёсатининг салбий оқибатларини америкалик экспертлар ҳам эътироф этмоқда. Аccураcй ин Медиа нашрида эълон қилинган «Обама тамойиллари бўйича ҳаёт»номли мақолада АҚШнинг Осиёдаги ўзаро қўшни давлатлар ўртасидаги зиддиятларга аралашиши Хитой ва унинг қўшнилари ўртасида уруш келтириб чиқариши мумкинлиги қайд этилган.
Изоҳ (0)