«Реал» ҳужумчиси Криштиану Роналду Испания чемпионатининг навбатдаги учрашувида сўнгги дақиқада «Валенсия» дарвозасига иккинчи тўпни киритиб, жамоасини мағлубиятдан сақлаб қолган эди (2:2). Бу гол мадридликлар учун мавсумдаги юзинчи гол бўлди, деб ёзади «Туркистон press».
«Реал» бу натижага Европа чемпионатларидаги жамоалар орасида биринчи бўлиб эришди. «Қироллик клуби» беш йилдан бери мавсумда 100 тадан зиёд гол ураётганлигини ҳам таъкидлаш лозим.
Жамоанинг энг кучли ўйинчиси Роналду эса бир мавсумда дарвозага киритган тўплари сонини тўрт мавсумдан бери 50 тадан камайтирмаяпти. Криштиану «Реал»даги фаолияти давомида 244 та учрашувда қатнашиб, 251 та гол урган. Айни пайтда мадридликлар мамлакат чемпионатида учинчи ўринда бормоқда. Бугунга келиб улар Европа Чемпионлар лигасининг финалига ҳам чиқди.
Изоҳ (0)