Америка қўшма штатларида ноодатий тажриба бошланди: олимлар хотирасини йўқотган одамларга уни тиклаш имконини берадиган қурилма яратишга киришди. Мазкур лойиҳани мамлакат мудофаа вазирлиги молиялаштирмоқда, деб хабар беради «Туркистон press».
Хабарда таъкидланишича, бу ишга қарши чиқаётганлар ҳам йўқ эмас. Улар хотира билан боғлиқ тажрибалар ўтказишни маълум бир наслдаги одамларни вужудга келтиришга уриниш, деб баҳоламоқда.
Ушбу лойиҳа ҳақида илк бор Техасдаги конференцияда мудофаа вазирлигининг истиқболли тадқиқотлар лойиҳалари бошқармасининг махсус дастури вакили Жастин Санчес сўзлаган эди. У турли хил ахборотларни саналар, номлар ва далилларни ўзлаштирадиган, яъни декларатив хотирани тиклай оладиган нейропротез қурилмалари яратилганлигини маълум қилган эди. Жастин Санчес декларатив хотирани тиклаш мумкинлигини билдирган дунёдаги биринчи олим бўлди.
Тадқиқотчиларнинг баёнотларига кўра, дастур энг аввало, жароҳатланиб, хотирасини йўқотган ҳарбийларга ёрдам кўрсатишни назарда тутади. Қурилма уларга ўз қариндош-уруғлари ва яқинларини эслашга кўмаклашади.
Изоҳ (0)