Навоий шаҳрида Хитойнинг ССК техтиле мачинарй халқаро савдо компанияси ҳамда Ўзбекистоннинг қурилиш материаллари, тўқимачилик, озиқ-овқат ва ноозиқ-овқат маҳсулотлари, электроника жиҳозлари ишлаб чиқарувчи корхоналари вакиллари иштирокида кооперация биржаси бўлиб ўтди. Бу ҳақда ЎзА хабар берди.
– Корхонамиз махсус иш кийимлари, тўшак ва қопламалар ишлаб чиқаришга ихтисослашган, – дейди Тошкент шаҳридаги Дина текс масъулияти чекланган жамияти раҳбари Воҳид Эргашев. – Бугунги кунда буюртма асосида 20 турга яқин маҳсулот тайёрламоқдамиз. Биржада кўплаб ишлаб чиқарувчилар билан ҳамкорлик ўрнатиш борасида келишиб олдик.
Тадбирда ССК техтиле мачинарй халқаро савдо компанияси томонидан тақдим этилган пайпоқ, қўлқоп ишлаб чиқариш ва тикув дастгоҳлари тадбиркорларга манзур бўлди. Вилоят тадбиркорлари компания билан ҳамкорликни йўлга қўйиш бўйича келишувга эришди.
Биржа доирасида ишлаб чиқарувчи корхоналарнинг маҳсулотлари кўргазмаси ташкил этилди. Ишлаб чиқарувчилар ўртасида қарийб 1 миллиард 200 миллион сўмлик ҳамкорлик шартномалари имзоланди.
Изоҳ (0)