«Камолот» ёшлар ижтимоий ҳаракати марказий кенгаши ташаббуси билан ўтказилаётган «Менинг бизнес ғоям» республика танловининг Фарғона вилояти босқичи бўлиб ўтди. Унда академик лицей ва касб-ҳунар коллежларининг 100 нафар битирувчиси ўз бизнес лойиҳа ва ғоялари билан иштирок этди, деб ёзади ЎзА.
Тадбирда ёшларнинг турли йўналишлар бўйича бизнес лойиҳалари тақдимоти бўлиб ўтди. Ёшларда тадбиркорлик кўникмаларини шакллантиришга қаратилган семинар-тренинглар ўтказилди. Унда малакали мутахассислар томонидан бизнес-режа ва уни ишлаб чиқиш йўллари ҳамда банкдан кредит олишнинг тартиблари ҳақида батафсил маълумот берилди.
– Керакциз матолардан юмшоқ ўйинчоқлар тайёрлашга йўналтирилган бизнес режам билан иштирок этдим, – дейди Олтиариқ иқтисодиёт коллежи битирувчиси Муяссар Алижонова. – Ушбу ҳунар тури билан оилавий шуғулланамиз. Лойиҳам ҳайъат аъзолари томонидан юқори баҳоланиб, молиявий кўмак олиш ҳуқуқини берувчи махсус сертификатга эга бўлганимдан хурсандман.
Танловда 30 нафар иштирокчининг бизнес ғояси энг яхши лойиҳа, деб топилиб, уларга банк кредитлари ажратилиши бўйича сертификатлар топширилди. 10 нафар битирувчи эса танловнинг мамлакат босқичида қатнашиш ҳуқуқини қўлга киритди.
Изоҳ (0)